For å feire Strandryddeveka 2023 ønskjer Nettverk Marin Forsøpling Møre og Romsdal å arrangere ein strandryddeaksjon på Brandal i Hareid kommune. Aksjonen blir arrangert i samarbeid med Opplev Runde, Ishavsmuseet, Brandal Vel, Fallgard, Plastfritt Hav, Sunnmøre Friluftsråd og Runde Miljøsenter.

Strandryddeveka er Hold Norge Rent si storsatsing og forgår i år i perioda 8.-17. september.

Ryddeaksjonen er open for alle som vil delta, både for dei som er medlem i nettverket og dei som ikkje er det. Tidspunktet for aksjonen er 11:30-15:30, men det er opp til kvar enkelt når og kor lenge dei ønskjer å rydde.

Planen er å rydde i Brandalområdet og vi ser an kor stort område vi får dekka. Aksjonen passar like godt for barn som for vaksne!

Det vil bli utlevert hanskar og anna ryddeutstyr til deltakarane på aksjonen. Det blir og servering av forfriskingar og kake, samt alle som deltek får gratis kaffe og riskrem ved kjøp av søndagsmiddag (kjøtkaker med tilbehør) på Ishavsmuseet i perioda 13-17.

Ta kontakt med Ovidie Mari Lynge (e-post: ovidie@runde.no; tlf: 40623432) om du har nokon spørsmål.

Takk til Handelens Miljøfond for støtta til arrangementet!